Ministri i ri i Shëndetësisë, Bekim Sali, sot ka takuar kryetarin e Komisionit për Sëmundje Infektive, epidemiologun Zharko Karaxhovski, si dhe me sekretarin e Komisionit, pas së cilës në një deklaratë për AIM-n ka thënë se ndryshimet në Komisionin për Sëmundjet Infektive do të synohet zgjerimi dhe plotësimi i përbërjes së saj, me staf të ri profesional nga disa fusha.
“Diskutimet janë duke vazhduar dhe në këtë drejtim sot pata një takim me kryetarin dhe sekretarin e Komisionit. Puna profesionale e Komisionit për Sëmundje Infektive është e një rëndësie të madhe dhe përgjigja ndaj nevojave të qytetarëve është prioritet.
E kuptoj absolutisht interesin e publikut për hapat e mëtejshëm në lidhje me përbërjen e këtij organi, sepse rrethanat kërkojnë veprim të intensifikuar dhe të koordinuar të bazuar në vlerësime ekspertësh dhe realiste. Ky komision tashmë ka shumë profesionistë me përvojë në fushat e tyre, dhe hapat e mëtejshëm do të përfshijnë përmirësimin, trajnimin dhe profesionalizimin.
Qëllimi i këtyre masave sigurisht që është zvogëlimi i numrit të të infektuarve, si dhe mbrojtja e përgjithshme e shëndetit publik, në interesin më të mirë të qytetarëve”, tha ministri Sali./Telegrafi
Zgjedhjet presidenciale në Moldavi, drejt balotazhit
Prezantohet sot raporti final për barazinë gjinore 2020-2024...
Horoskopi ditor, parashikimi i yjeve për shenjën tuaj
Tjetër shpërthim në Libanin jugor, Izraeli zotohet të godas ...
Ursula von der Leyen të shtunën viziton Kosovës, pritet në t...
Zidane ‘injoron’ Ronaldon kur emëron tre lojtarët e Real Mad...